AW CHURACHANDPUR

Singer: Lamkholhing

Lyrics: NCy Doungel

Iti hitantem aw i-lenna’u gamlei dou-le-gaal tuol ichan jieng

Agam hilou jadtin i-kimna’u paotin leikhat bang i-gopkhomna’u mun

Iding lhangmeiya baanchal jieng hitam

Aw iti hitam, aw Churachandpur,

Loubang chul in paan kaiden lou jen’o

Nunluinu jil in dawnthah kit in lang

Voncheng phaithi’n hin semgom kittei’o

Mitin in choiding lai chollha vahcha’n zong pummeinu’n aluo zoute

Jingkhuo phongding al-va te jieng in zong

Samang jalmo’n dap jaan laigil’a

a-oi oi uve lawmlou i-khankhuo

Aw iti hitam, aw Churachandpur,

Loubang chul in paan kaiden lou jen’o

Nunluinu jil in dawnthah kit in lang

Voncheng phaithi’n hin semgom kittei’o

Thing le guobang dawnkit theilou ding hinkhuo liemsa cheng kagelji tieng

Huithing bang sum in ka-douzou jipoi

Kangai ngampoi aw ma’a i-khankhuo ding

Luonlhi hilou ham baanjal ei-sang khu

HUNG UVO KA LAIJON - NCY DOUNGEL JAILA-AI

Singers: Thiengnu, Chichin, Lienchung, Thonkhanlien, Jangkholim, Lalboi & Lunthang

Lyrics: Ncy Doungel

Khul akuon hung galkai khom muoltin lhangtin hinlhah khom

Jutin vatin hamgin ngai khom doupi doute lai dou khom

Muntin vaibang hung tham khom koidang mel’a i-ki mui mo

Pu-pa khat lhah i-hibou’e lungmawl thimthu tuol koitaute

Lungkituoh in gom utin ngailud khut in kituhtuo’n

Lamtuol khat heikhom ute hung uvo ka LAIJON

Kaphungguol ngai zouse lhalam khat jot khom in

Thihpi leisang doutin vagal lam kaitaute

Sinlung suoh khulkuonte vailhung khom chieh ute

Suona-kuonna’n ei-khenlou tuonthu-khangthu’n ei-khenlou

Chonna-khanna’n ei-khenlou hou-le-bieh in zong ei-khenlou

Mite mit in zong khenlou koichuom dang’a i-kigel’a

Khenna ding i-lel lel ding ham lungmawl thimthu tuol koi taute

Lungkituoh in gom utin ngailud khut in kituhtuo’n

Lamtuol khat heikhom ute hung uvo ka LAIJON

Kaphungguol ngai zouse lhalam khat jot khom in

Thihpi leisang doutin vagaal lam kaitaute

Sinlung suoh khulkuonte vailhung khom chieh ute

Agam jadtin lailuo’a namjem jatam a-angkhom

Paojad jatam luokhom’a lamtaang jatam i-kaikhom

Kidang vetna ding hilou i-hamphatna hilou haimo

Koiya a i-gel i-haosatna lungmawl thimthu tuol koi taute

Lungkituoh in gom utin ngailud khut in kituhtuo’n

Lamtuol khat heikhom ute hung uvo ka LAIJON

Kaphungguol ngai zouse lhalam khat jot khom in

Thihpi leisang doutin vagal lam kaitaute

Sinlung suoh khulkuonte vailhung khom chieh ute

IDING'A DAMMO - KUM SOM KI-LUNGSIET

Iding’a dammo nahim’o

Tahsa dammo nahim

Lungsung dammo nahim

Neihinve’n ka-umnai

Lhaolha selou jen’o

Buolkhom zing thei le hen

Lungsung dammo puontin

Luonlhi zong luong puonte

Melma dougaal jieh hipuonte

Dawi-ai zong hipuonte

Na lungsietpen keima

Suhkhiel joh himaihen

Lhaolha selou jen’o

Buolkhom zing thei le hen

Lungsung dammo puontin

Luonlhi zong luong puonte

Nangma ding’a thiengsel kahi

Ti’a nakitepna ho

Tu’n tongdon theilou in

Kei iti tang katem

Lhaolha selou jen’o

Buolkhom zing thei le hen

Lungsung dammo puontin

Luonlhi zong luong puonte

Ngailheh ingting kou-kou zong leng

Kap zong kaplou bang in

Pelthei lou hitante

I-ba i-loding ham

Lhaolha selou jen’o

Buolkhom zing thei le hen

Lungsung dammo puontin

Luonlhi zong luong puonte

MILDI'A LAWMLOU - KUM SOM KI-LUNGSIET

Mildi’a lawmlou mil mai tang’e

Kokhuh mong-beiya lhaludta

Ibah kaloding laidib kadam

Milmo zong leng mil mai tang’e

Ana ngeiye aw kathuoh zoupoi

Pahkhomlou i-hi maichu

Laidib adap in lunglai ana ngeiye

Kum som kilungsiet ihitai

Jangthing chung’a huiva nang zong

Keibang’a guol ngaiya nahim

Iding nachang’a mao-mao nahim

Kathuoh zoupoi aw i-khankhuo

Ana ngeiye aw kathuoh zoupoi

Pahkhomlou i-hi maichu

Laidib adap in lunglai ana ngeiye

Kum som kilungsiet ihitai

Hinkhuo di’a kana lungsietsa

Khen ding mel in kana gelpoi

Hing in laituol leng zong le chun

Keidi’n vang muollepsa nahi

Ana ngeiye aw kathuoh zoupoi

Pahkhomlou i-hi maichu

Laidib adap in lunglai ana ngeiye

Kum som ka-lungsiet nahitai

Kum som ki-lungsiet i-hitai

MUIKHUO - LIEN BAITE

Muikhuo hung jing in chollhanu hungsoh kitta’n

Guolcheng toh chollha vah nuoiya nuikhomna mun

Muikhuo hung jing in chollhanu hungsoh kitta’n

Guolcheng toh chollha vah nuoiya nuikhomna mun

Kageldohji tieng munchuom chieh’a umzong le hen ngainu

Kilungsietna vang lhakaang poite

Lungdettah in hung pangdet zing’o

Ngai’o ngai chullou lungdei pahbang in pahkhom taite

Khenna kawlni bang ahung suokahse’n

Chu-le-jo’n palbang eikhen lhon zong le

Keiya ding in lunglha lou in hung pangdet zing’o

Ngai’o ngai chullou lungdeinu

Nangbou nahi ngai ka-lungsung lengnu

Suomai mulou in nidan khat zong muong zou jilou

Nangbou nahi ngai mera dil ka rani

Suomai mulou in nidan khat zong muong zou jilou

Neihin lungsiet’em muol le lhang in eikhen zong le ngainu

Kilungsietna vang lhakaang poite

Lungdettah in hung pang det zing’o

Ngai’o ngai chullou lungdei pahbang in pahkhom taite

Khenna kawlni bang ahung suokahse’n

Chu-le-jo’n palbang eikhen lhon zong le

Keiya ding in lunglha lou in hung pangdet zing’o

Ngai’o ngai chullou lungdeinu

Guol in neingai mong em kenzong kahin ngai nai

Nei lungsiet tah-tah le kicheng taite

Guol in nei ngai mong’em kenzong kahin ngai nai

Nei lungsiet tah-tah le kicheng taite

Neihin lungsiet’em, kumkhuo sod in milzou puong’e ngainu

Thina tailou in hin khenzou puong’e

Lungdettah in hung pangdet zing’o

Ngai’o ngai chullou lungdei pahbang in pahkhom taite

Khenna kawlni bang ahung suokahse’n

Chu-le-jo’n palbang eikhen lhon zong le

Keiya ding in lunglha lou in hung pangdet zing’o

Ngai’o ngai chullou lungdeinu

SA-AI CHAANG-AI

Singer: Lienchung Haokip & Lhainei Haokip
Words: PS Haokip
Tune: NCy Doungel

Dei-le-ngai kim, ningju aisa luonna gaal le tuol kihedlouna

Alhang pah chitin in bawm, akal shitui luong diel-diel

Sa-ai chang-ai mim-kut  chang-kut chuoi talou

Sie-le-kai nehna, Khupting-le-Ngambom

Pujil le Langchal, Galngam le Benglam

Jonglhing – Nanglhunte lenna’u gamcheng

Pu le pa Pathien chate, Muoltinchan, Ahsijolnieng

Jonlhing le Jolphate ahel, azonna’u gam ahi

Aw chung Pathien neihung puikit mauvin

Muong’a jalai tuol kalentheina diuvin jalenna kawl ninou kadiuvin hung suoh hen

Atuollaiya vabang nei pao sah un

Dei-le-ngai kim, ningju aisa luonna gaal le tuol kihedlouna

Alhang pah chitin in bawm, akal shitui luong diel-diel

Sa-ai chang-ai mim-kut  chang-kut chuoi talou

Sie-le-kai nehna, Khupting-le-Ngambom

Pujil le Langchal, Galngam le Benglam

Jonglhing – Nanglhunte lenna’u gamcheng

Pu le pa Pathien chate, Muoltinchan, Ahsijolnieng

Jonlhing le Jolphate ahel, azonna’u gam ahi

Aw chung Pathien neihung puikit mauvin

Muong’a jalai tuol kalentheina diuvin jalenna kawl ninou kadiuvin hung suoh hen

Atuollaiya vabang nei pao sah un

LIENDOUTE UCHA - LHAINEI HAOKIP

Singer: Lhainei Haokip & Thanggou Kipgen

Lyrics: Thangjahao Haokip

Achun le jo lhangai Liendoute ucha

Sunglai gilkiel ped mimchang kihom’a

Pulepa jalen lhangai aw kanam mite

Kikomtuo theilou’a kidou zing ihiuve

Sietlei jangkawlni asuotil chan in

Lenna gamleiya namdang amang zing’e

I-nam’a di’a zong kawlni suoh hilou ham

Iding ma kiguoltuoh loulai bang i-hiuvem

Kumsieh namdang chamlhat lenkhuong gin ngaiya

Genthei hahsatna sangga bang hinkhuo

Khoyang kituoh nuomlou’a guo tuithei homsa

Tuidim ding kal ngah’a i-ngadi’u hitaimo

Sietlei jangkawlni asuotil chan in

Lenna gamleiya namdang amang zing’e

I-nam’a di’a zong kawlni suoh hilou ham

Iding ma kiguoltuoh loulai bang i-hiuvem

Khaiye namchon khat in khubsu khom ute

Nampi lunlai cheng guoljona ding in

LAIJON khat i-hina’u aw jadtin ma-ang’a

Lung le tha sepkhom in maa heito chietaute

Sietlei jangkawlni asuotil chan in

Lenna gamleiya namdang amang zing’e

I-nam’a di’a zong kawlni suoh hilou ham

Iding ma kiguoltuoh loulai bang i-hiuvem

Sietlei jangkawlni asuotil chan in

Lenna gamleiya namdang amang zing’e

I-nam’a di’a zong kawlni suoh hilou ham

Iding ma kiguoltuoh loulai bang i-hiuvem

I-nam’a di’a zong kawlni suoh hilou ham

Iding ma kiguoltuoh loulai bang i-hiuvem

EI-PHALPOI - LHAINEI HAOKIP

Singer: Lhainei Haokip

Lyrics: Jeff Akai Haokip

Leisiet gentheina tamhenlang kiseisietna le taitomna

Eizui zong le lhasam puong’e

Pathien in ijakai ahesuoh nai

Kathiemna thu seile di’n Ei-phalpoi

Leisiet’a buolbaidi’n zong Ei-phalpoi

Alenggam’a natong ding in Ei-kou’e ka Pakai leng Jesu Christa

Eikou’e ka Pakai leng Jesu Christa

Leisiet mite’n musitna le engsietna in eibom zong le

Van mithiengte kipana le Christa kanei keidi’n alhingsed’e

Kathiemna thu seile di’n Ei-phalpoi

Leisiet’a buolbaidi’n zong Ei-phalpoi

Alenggam’a natong ding in Ei-kou’e ka Pakai leng Jesu Christa

Eikou’e ka Pakai leng Jesu Christa

Lei lungngaina dalha zoulou Christian hinkhuo atam ngeiye

Lungna chim’a hinkhuo mangho Pathien in achungthu’u ahin tanding

Kathiemna thu seile di’n Ei-phalpoi

Leisiet’a buolbaidi’n zong Ei-phalpoi

Alenggam’a natong ding in Ei-kou’e ka Pakai leng Jesu Christa

Eikou’e ka Pakai leng Jesu Christa

BEST FRIEND

Singer : Michael Thanglienmang Touthang
Lyrics: (L) Alfred Lhungdim

Ngai o guol ka-ngai chullou i-nunlui i-khankhuo

Chollhanu zong henante nunlui ngaiya kakaana

Nei daalbawl lou jen’o chaang bang khensa hizongle

Nei jachad sang in guol, best friend bang umtaite

Kihedmo sah in lunsietlou bang taite

Jalah’a kahinmu tieng best friend hina amangji’n

Nahin ngai lheh zong leng mang theitalou i-best friend

Nei daalbawl lou jen’o chaang bang khensa hizongle

Nei jachad sang in guol, best friend bang umtaite

Kihedmo sah in lunsietlou bang taite

Laidang leng ahung tieng le best friend pa in gel in lang

Guol chieta’n ang-dang koidi’n milzou puong’e i-best friend

Nei daalbawl lou jen’o chaang bang khensa hizongle

Nei jachad sang in guol, best friend bang umtaite

Kihedmo sah in lunsietlou bang taite

I-HAM'O

Selunglaiya chultheilou selunglaiya mang theilou

Guol in hingel tiem in o naselunglai gil’a ngainu

Selunglaiya chultheilou selunglaiya mang theilou

Guol in hingel tiem in o naselunglai gil’a ngainu

I-ham’o ipiham’o lungsietna i-kingaina

Tiham’o itiham’o lungsietna i-kingaina

Tua’a hoilamba nagei’a hitam lungdeinu

Aw hinvel gelkit tiem in

I-ham’o ipiham’o lungsietna i-kingaina

Tiham’o itiham’o lungsietna i-kingaina

Sun-le-jaan in selung muongmo’n kagel zing jieng’e nangbou

I-noplaini khankhuo lui cheng

Sun-le-jaan in selung muongmo’n kagel zing jieng’e nangbou

I-noplaini khankhuo lui cheng

I-ham’o ipiham’o lungsietna i-kingaina

Tiham’o itiham’o lungsietna i-kingaina

Tua’a hoilamba nagei’a hitam lungdeinu

Aw hinvel gelkit tiem in

I-ham’o ipiham’o lungsietna i-kingaina

Tiham’o itiham’o lungsietna i-kingaina

Miltang’e ti’n kakigelji’n kamil theiji poi nangbou

Selung mit in nacham zing’e kaselunglaiya

Miltang’e ti’n kakigelji’n kamil theiji poi nangbou

Selung mit in nacham zing’e kaselunglaiya

I-ham’o ipiham’o lungsietna i-kingaina

Tiham’o itiham’o lungsietna i-kingaina

Tua’a hoilamba nagei’a hitam lungdeinu

Aw hinvel gelkit tiem in

I-ham’o ipiham’o lungsietna i-kingaina

Tiham’o itiham’o lungsietna i-kingaina

AW GUOLDAM

Singer: Thangboi

Aw guoldam guollui lungsiet kholui laiya i-thimthu lel

Kawl ningli sung i-jap nung in khangnou tuoidong bang in dawn’e

Ahsijolnieng lenlai thimthu tulai kholui neolai khankhuo

Amelhoile aduongsuo hoi hinlel kit’e vangkhuo lai’a

Lungsiet lhaolha’n hungvil kit’o guol

Ngaina lungsiet ngai selunglai nem’e

Aw guoldam, senguol ngai um

Aw guoldam! Na jangdum muom lungsiet thimthu na laitansa

Ahung lang’e lungsiet khankhuo’n tuolthingjabuong duonghoi nuoiya

Jangmuol dingpi chung’a kuon in khanggui thimthu ahung lang’e

Agaldot’e hu.... jalen tuollai buolna veigam tuonlai kholui

Lungsiet lhaolha’n hungvil kit’o guol

Ngaina lungsiet ngai selunglai nem’e

Aw guoldam, senguol ngai um

NGAI'O NGAI CHULLOU - JOLDEI AI-2

Singer: Ngam Touthang & Hoinu Touthang

Ngai’o ngai chullou lunglaiya veizing

Nangbou nahi lunglai einemtu

Lenna sietlei jatam laiya kadeilhenpen nang nahi

Ka-selung tuoh ka-lungsiet pen ngai’o nang nahi

Guol in lungsiet kei neihin chan hi

Kisuonglelna’n kei kadim

Ngai’o ngai chullou lunglaiya veizing

Nangbou nahi lunglai einemtu

Guol in lungdang gellou hiel in lungsiet in neihin sang’o

Pahbang pah in huiva bang cha’n lengkhom hite

Lungsiet dihtah neichan mong le banjal in kahin sang’e

Ngai’o ngai chullou lunglaiya veizing

Nangbou nahi lunglai einemtu

Ka-chun le jo baanna ding’a kadeilhen nang nahiye

Khending thimthu lel tam zong le lunglha dieh puong’e

Lungdei nang in nei lungsiet pou le kahinna hi nang kapei

KATHA NASE VAL'E - DEILAICHAAN IV

Singer: Maxxy Minthang Haokip & Jemneihoi Gangte

Lyrics: HN Touthang

Kinai cheh johna ding’a lungsiet thimthu kahin lel le

Guol in lunggel neilou lungsuongho umchan bang natho’n

Tua iding’a ui-le-kel ibah ham hinvel gel kit’o

Hitidi’n na lawmpoi guol nang vang katha naseval’e

Kinai cheh johna ding’a lungsiet thimthu hinlel ngai ham

Guol’o iki friendship hi keidi’n anuomjoi kati’e.

Tua iding’a ui-le-kel ibah ham guol in gel tang’o

Hitidi’n na lawmpoi guol nang vang katha naseval’e

Leisiet hinkhuo chomcha bou i-neisung’a hin

Lung kituoh in tha kituoh inlengkhom hitin

Nang’a ding’a keiya ding’a phachuomlou ding aum diehpoi guol

Hitipoi hite na guol nang vang katha naseval’e.

Kinai cheh johna ding’a lungsiet thimthu kalel lou le

Guol’o iki friendship mai-maiyin kaselung amuong zou poi

Sana le dangka sang’a manlujo kalungsietna kapiehhi

Lungsiet in kisan’o guol nang vang katha naseval’e

Leisiet hinkhuo chomcha bou i-neisung’a hin

Lung kituoh in tha kituoh inlengkhom hitin

Nang’a ding’a keiya ding’a phachuomlou ding aum diehpoi guol

Hitipoi hite na guol nang vang katha naseval’e.

Kinai chehjohna dinghi hibangse’a nagelkhoh leh

Chomkhat bou nei ngah tadi’o keizong hung kigel tading’e

Sana le dangka sang’a manlujo nalungsietna neichan hi

Kasan jiengdi tam O guol nang vang katha naseval’e

Leisiet hinkhuo chomcha bou i-neisung’a hin

Lung kituoh in tha kituoh inlengkhom hitin

Nang’a ding’a keiya ding’a phachuomlou ding aum diehpoi guol

Hitipoi hite na guol nang vang katha naseval’e.

SELUNGLAIYA - DEILAICHAAN IV

Singer: Haoneo & Rebecca
Lyrics: Haoneo

Selunglaiya mangmo’n kagel zing namelhoina’n kangoldohji tai Ipidoi napuoh’a hibang’a nei ngolsah jieng ham Phadtin nitin nangkom um kanuom Lungsiet thimthu lelzing ding kanuom Guol in naobang neisang in kahung nangkom juon in Kahin sang’e aw kangai chullou Neina suonglel lou jen’o I-chung thimthu meibang jing zong le Nang ding in kapang zing’e Iding hibang neingolsah ham kalung’a nacham zing jieng’e I-ki lungsietna geldoh zing in itih chan hijieng zong le Selung laiya milni umpuonte O lungdei ikilungsietna hi itihchan hijieng zong le hin milzou dieh puong’e. Phadtin nitin nang gelna’n hinkhuo Kana mang zing’e aw ngai lungdei Nangbou nahi kakinepna pahbang pahkhom hite Nang gelna’n hinkhuo kana mang’e O guoldei neihin hedthiem pieh in Kaki nepna nang nahiye kahung nang kom juon in Lungsiet sangpen kachan lungdei Pahbang in pahkhom hite Lungsietna tuhdet zing jieng hite Lungkhat’a lenkhomna di’n Iki lungsietna lhon sung’a kon ipi seijieng zong leh Lunglhalou in pang zing jieng hite i-lungtup lhon i-muolsuo Selunglaiya mangmo’n kagel zing Namelhoina’n ka-ngoldoh jiengtai Guol in naobang neisang in kahung nangkom juon in

ALUNGSIET LONGLOU - ESTHER SITLHOU

Singer: Esther Sitlhou

Words: Ngamminthang Guite

Tune: Thangboi Singson

Alungsiet longlou in tuonsot in athuoh’e

Alungsiet longlou in keiding in athuoh’e

Kahinnadi’n athi’n, Athou kittai

Van gouluodi’n vankot eihontai

Pakai kadong in i-chan’a nei ngailud ham katileh

Kangailudna hiven eiti’n cross chung’a ahinna alhatai

Alungsiet longlou in tuonsot in athuoh’e

Alungsiet longlou in keiding in athuoh’e

Kahinnadi’n athi’n, Athou kittai

Van gouluodi’n vankot eihontai

Ngaidam kachanna zouse hi kachih le thep vang hilou

Lungsiet sangpen kachan jalbou thina’a kuon hinna kaneitai

Alungsiet longlou in tuonsot in athuoh’e

Alungsiet longlou in keiding in athuoh’e

Kahinnadi’n athi’n, Athou kittai

Van gouluodi’n vankot eihontai

Pa’n Eilungsietna iti san hitam

Lei vanpao’a seizou hoi hilou

Amabang’a Eilungsiet ding aumpoi

Amabang’a Eilungsiet ding

Alungsiet longlou in tuonsot in athuoh’e

Alungsiet longlou in keiding in athuoh’e

Kahinnadi’n athi’n, Athou kittai

Van gouluodi’n vankot eihontai

LUNGDEI LUNGDEI - DEILAICHAAN IV

Singer: Steven Haokip & Chingpi Haokip

Lyrics: John Hangsing

Selung guh’a nei lungsiet zong ken kahai dieh poi

Idi’a lel ngamlou nahim’o

Hibang lawm’a moldi’n katasanpoi lungdei

Nalung heiyin keiya ding in

Selungguh’a nei lungsiet zong ken kahai diehpoi

Asei ui guhthim a lungsiet anai

Keiya di’n lungdei lungdei nei naiyin tangpa’n thimthu

Lelding kanuom lungguh’a um lungsietna hohi

Guol in neisan pieh jiengta’n phad chomkhatbeh

Hinkhuo nuom in na-anglai nei pomtieng lungmuong tang’e

Nangbang’a ken lungsiet dang neilou

Kei ngai bang’a nei ngai le

Aw... na banjiet in neihin sang in lang

Chungtuoni amuol lep ma’n

Nangbang’a eilungmuon sah ding dang aum nadem

Ti kagel tieng nachung’ah kakipah

Kaseiye lungdei lungdei nei naiyin tangpa’n thimthu

Lelding kanuom lungguh’a um lungsietna hohi

Guol in neisan pieh jiengta’n phad chomkhatbeh

Hinkhuo nuom in na-anglai nei pomtieng lungmuong tang’e sietlei’a

Chungtuoni amuol lep ma’n

Nangbang’a eilungmuon sah ding dang aum nadem

Ti kagel tieng nachung’ah kakipah

Kaseiye lungdei lungdei nei naiyin tangpa’n thimthu

Lelding kanuom lungguh’a um lungsietna hohi

Guol in neisan pieh jiengta’n phad chomkhatbeh

Hinkhuo nuom in na-anglai nei pomtieng lungmuong tang’e sietlei’a

ABORTION LANU - AXLE HELUN KIPGEN

Singer: Axle Helun Kipgen
Lyrics:

Daag Marich marine lanu Abortion lanu

Manipur tuolpi sung’a na-ngong navaiputlen

Shillong tuolpi’a nakichaitai sietlei a thoidi’n

Abortion done here... chu hitam na thiemzil chu

Ward’s Lake.. Hydari Park (2)

Mun a tangpa jatam lai kending in nakipha tai

Thiemzil oh nahi being done business joh ham

Tunpi nisa zong muthim lhangkhal akihedji tai

Daag Marich lanu Abortion lanu

Manipur tuolpi sung’a na-ngong navaiputlen

Shillong tuolpi’a nakichaitai sietlei a thoidi’n

Abortion done here... chu hitam na thiemzil chu

Shillong Gauhati Shillong Gauhati Delhi

Mumbai Chennai Lanu jatam kipelna mun

Kibawl theisah hih o na masang chu AIDS le HIV

Teni’n na welcome zing nai olmo hih o Oh.... Miss

Thiemzil na hilou Sister innsung mite’n nakineppina chu

Oh... hoi ham... Oh hoi ham...

House rent nalahna’u va brother and sister kahiuve

Ti naseilep ahipoi enjoy...  enjoyment...

Enjoy... Enjoyment

Daag Marich lanu Abortion lanu

Manipur tuolpi sung’a na-ngong navaiputlen

Shillong tuolpi’a nakichaitai sietlei a thoidi’n

Abortion done here... chu hitam na thiemzil chu

Chu hitam na thiemzil chu

PHAD CHIESA - FREEDOM VOICE

Singer: Begi Haokip
Lyrics:

This song goes out to my lady...

Listen up closely... Girl... Love you.... Huh...

Kahin ngaina sang val jieng’e

Nei engbawlna cheng lungsietna’n alezing’e

Suntin-jaantin nang ngaiyin ka um

Hinkhuo hi anai iti kamil ding ham

Ibah iloding ham guol chieta’n na lungdei kom jon in

Phad chiesaho gelna’n lungsunghi anai nei ngaidam in

Nang ngai kabang theipoi lungsietna’n nanung azui zing’e

Lungsiet hinkhuo chomcha i-mansung

Kathiemmona cheng lungsiet in nei ngaidam in

Kei selungmol jieh hitante na

Lungsiet sangpen kana chan nang nahi

Ibah iloding ham guol chieta’n na lungdei kom jon in

Phad chiesaho gelna’n lungsunghi anai nei ngaidam in

Nang ngai kabang theipoi lungsietna’n nanung azui zing’e

Thangvan sang’a ahsi tam zong le

Mitin kinepna jaanlai chollhanu ahi

Genthei keidi’n zong hung vah kit o

Lungsung thimpi meibang ajing zing’e

Ibah iloding ham guol chieta’n na lungdei kom jon in

Phad chiesaho gelna’n lungsunghi anai nei ngaidam in

Nang ngai kabang theipoi lungsietna’n nanung azui zing’e

LEKHA SIMLOU GENTHEI TANGPA

Singer: Axle Helun Kipgen
Lyrics: Maneithangja Kipgen

Thiemzil ding in kahung nungah zilding kabang

Shillong tuolpi sung’a Kuki chilhah dimsed

Asan asan avom, achom asao, kaden lhending hoipen hitam

Mit’a vet phachuomlou, sum-le-pai tha-le-zung

Sun-le-jaan lekhasimlou moh vava pa

Sun-le-jaan lekhasimlou genthei tangpa

Anglai koilou ding in namelhoi apamai

Tiding lanu atam koijoh vangse hitam

Amel’a vetding bou hi lungsiet pieh theilou

Sum-le-pai jieng in vaihomta

Mit’a vet phachuomlou, sum-le-pai tha-le-zung

Sun-le-jaan lekhasimlou genthei tangpa

Sun-le-jaan lekhasimlou moh vavapa

Na-anglai koiloudi’n laidib kadap’e

Hinla ngailud lungsiet nang’a di’a panna bei

Namelhoi le duonghoi chulthei lou hilou

Kei kom in hung loiyin kisih kha’n nate

Mit’a vet phachuomlou, sum-le-pai tha-le-zung

Sun-le-jaan lekhasimlou moh vava pa

Sun-le-jaan lekhasimlou genthei tangpa

VO JUKHA, VO SEKMAI JUKHA

Singer:
Lyrics

Vo Jukha, Vo Sekmai Jukha (2)

He He He Kangai ngeiye

Vo Jukha, Vo Sekmai Jukha (2)

He He He Kangai ngeiye

Guollah a guolpha pen, Ju lah’a ju tuipen nang nahi’e

Hi Hi...nla nang kangaiye

Vo Jukha, Vo Sekmai Jukha (2)

He He He Kangai ngeiye

Kum som kadawn zou in

Kasa ahung pawm in chomlou in kahung goplo tai

Hi hin...la nang kangaiye

Vo Jukha, Vo Sekmai Jukha (2)

He He He Kangai ngeiye

Kathin ahung pawm in, Kachuob ahung go in

Kamit zong ahung engseltai

Hi Hi...nla nang kangaiye

Vo Jukha, Vo Sekmai Jukha (2)

He He He Kangai ngeiye

Tuvang in kangoitai Ju’n kei einetai

Thingkhuong juon in kachie dieh dieh tai

Hi Hi,,,nla nang kangaiye

Vo Jukha, Vo Sekmai Jukha (2)

He He He Kangai ngeiye

Puonvom kalhosal ding Leikhaho’n einehdi’u

Katimul athouzap jieng’e

Hi Hi...nla nang kangaiye

Vo Jukha, Vo Sekmai Jukha (2)

He He He Kangai ngeiye

He He He Nang kangaiye

VAILOU KUON PHAD

Singer:

Lyrics:

Vailou kuon phad alhung kittai ka chun ngai toh ka-vaikuon lai

Jang’a kawlni nou ahung suoh in

Chungtuoni zong muolpang alebtai

Tongdon phahlouna gam kalhungtai

Henu leisiet chung hi abuoi jieh in

Nacha keima’n genthei ka-thuohtai

Innsung maicham neihin siem pieh zing in

I-chung Pathien vangpieh kachan’a, dougaal melma kajo theina ding in

Suolam valpa ahung suoh in galvon pum in kakuon tauve

Singsung micheng ngailheh zong leng

Ngailou kisa bang jieng tang’e

Lunggel ngahna gaalmun kalhungtai

Henu leisiet chung hi abuoi jieh in

Nacha keima’n genthei ka-thuohtai

Innsung maicham neihin siem pieh zing in
I-chung Pathien vangpieh kachan’a, dougaal melma kajo theina ding in

KHENLOUDI'A IKI TEPNA - NEI NGAIDAM IN 2

Singer:
Lyrics:

Khenloudi’a ikitepna lungsiet khaoguihi

Alosap ding kicha’n kisuonlelna’n kadimji’e

Hinla lungtup muolsuonadi’n itihchan hizong le

Kapang zing’e guol nuom’a i-lennadi’n

Gibang khenna ding thulam leng tam henlang

Lenlhang kumkhuo kihei zong le

Khenpoi hite lungsiet chullou nang’a di’a pangdet kahitai O lungdei

Chung tuonisa bang in nahung pah emsel in

Genthei tangpa lunglaiya shitui bang in nahung vei in

A itih’a kahed khahlou lungsiet neichan in

Nei hedchiensah tai lungsiet ipiham

Gibang khenna ding thulam leng tam henlang

Lenlhang kumkhuo kihei zong le

Khenpoi hite lungsiet chullou nang’a di’a pangdet kahitai O lungdei

Guol in neisuonglel hih in lungmol lheh zong leng

Kalungsietna’n nabel zing’e ti hezing in

Nungsun puong’e... Hieng’e suonglel puong’e ngai

Neilhakang hih in kapah zing’e nang’a di’n lungsiet chullou

NAM SEPAI DANGCHAH

Singer: Michael Luncha Kipgen & Lamkholhing Haokip

Lyrics:

Lentui hing kai nuoiya simleng thakuon gin le ajangva ham gin ngaiyin

Sunggil kiel le selung hiem pum’a dingmuol sang chung akuon

Gaal selang kadot dot le chuin guolpi vailou kuon lainu shitui hinpo

Singlam juon ding kamu’n, kenzong akieng kakom in

Lanu nang shitui puohcha chu nam sepai dangchah ding in duchad aum ngeiye kati

Chutin sepai gaalvon kivon nang koi nahim eihinti

Mizo tuongsuo la hingal lou’a navon sepai gaalvon hinalai

Mizo nungah singlam juon ding kei kom’a shitui lhavang nangaichad chu

Aw gel ding in selung kakham’e. Aw selung’a kichadna’n kadim’e

Aw Mizo nungah guollhang Mizoram gaal laiya

Phaimit hah masa hilou ham iding ka thimthu hethiemmo nahi ham

Kagalvon hi kol-le-vai a nasah ham

Kuki phung mangden laitan cha chu kahi

Mizo dougaal la selung’a gel phalou

Guol in khankhuo tuo in neiti leh hung’o pheiphung suong hitin

I-chun le i-jote tongkai gasang tadite

Chung toni lhangkai ding kuon hizong leh

Nam sepai dangchah in singlam juon ngailou

Chun-le-jote tongkai nasan tieng

Malai pute zaitha hadna gam ahinai hinti’n tin

Sunggil kiel ham singsung lhavang ngai ham

Sunggil kiel ham shitui lhavang ngai ham hinti’n tin

Sesung lhangai ahile vang ngailud cha’n puo in lang

Lengtu zou jing kai nuoiya guoldeiji’n nalhatai hinti’n te

Ahile he’u hi’n kisan in kashitui puoh hi

Nam sepai dangchah nahileh shitui lhavang ngai bangta’n

Lungnuom in lang guol hangta’n

Nadougaal sad zou tei-tei in o

Aw chung Pathien na-tongkai lhangkit in

Namtin ka-phungguol guntui bang in kiluongkhom kit tei hen

CHIKIMTE innsunghi. Kilungkhom kittei hen CHIKIMTE innsung hi

GENTHEI KAHI JIENG VANG IN

Singer: Manglun Haokip

            Steven Haokip (2014)

Lyrics: NCy Doungel

Genthei kahi jieng vang in sietlei chung’a ka-ngai nang jal in

Mi’m bang pien ka-kisih poi hi’n nang beiyin ka-muong theipoi

Lunglai in ei-dolpoi ka-lunggelho

Eidong jiuve khankhuo thimthu

Kasei ngampoi ka-lel guot tieng

Luonlhi aluong in aluong mang jitai

Suntam jaantam achietai hinla a daai theipoi nang ka-ngaina

Kagel zing phadtin nangbou kahin oi-oi e lunglai’a

Lunglai in ei-dolpoi ka-lunggelho

Eidong jiuve khankhuo thimthu

Kasei ngampoi ka-lel guot tieng

Luonlhi aluong in aluong mang jitai

Kagel zing i-khankhuo cheng ka-ngai ngeiye o kamil theipoi

I-dang lung in eivulpoi i-dang lung in ei-loi theipoi

LUNGSIET KIDANG

Singer: Luvjoy Khongsai
Lyrics:

Lungsiet kidang lawmlou nakaan khomji’n

Lunggel thangvan jol’a laileng’e

Lungsiet jieh in ka-gentheipi’n ngailudjal in ka-kaapiji

Lungtup muolsuodi’n vang i-mel lawm tapoi

Kamcheng khatbeh in nei vailhah in lang

Chutieng na-nunlui ken na-ngaidam suoh hiel tang’e

Luonlhi kang intin lenna lhang’a guoldang paidang gahol tang’e

Selung ahelji tieng kan ngaiji dan

Kageldohji tieng ka-lainatji dan

Dibdam laidam naum’e na kathuohzou tapoi kathuoh gimtai

Lungtup muolsuodi’n vang i-mel lawm tapoi

Kamcheng khatbeh in nei vailhah in lang

Chutieng na-nunlui ken na-ngaidam suoh hiel tang’e

Luonlhi kang intin lenna lhang’a guoldang paidang gahol tang’e

Thimpi meipi ajing’e i-chung thimthu

Lung in dollou tahsa’n zou talou

Lunglai suong bang namuon theipoi

Nang ngai lenpul ka-dou zou poi

LUNGHEL'A LENG

Singer: Kakai Kipgen
Lyrics: Gou'a Lhungdim

Tua kathuohna kuon samang thou maileng kanuom

Lunghel’a leng leng leng

Chung Pathien ka-guolngai kangai val’e

Kalunggel cheng la kisuonlelna’n alung hei’o kaguol ngai toh nuom’a kalennadi’n

Chuphad lai lunggel koukit kanuome

Aw hoho le gelmo nahitam kahin ngaina

Lunghel’a leng leng jieng ngai um kom’a

Lunghel’a leng leng jieng puldom kom’a chutieng lunggun

Thulam leng hitante gelmo ding zong nahipoi

Guol in hethiemlou ka-lunggel

Ana’e kalungtup ka-vaimoi guol in la laidang palbang ei-khen

Chung chollhanu ahsi beh mohseh hida hen

Chuphad lai lunggel koukit kanuome

Aw hoho le gelmo nahitam kahin ngaina

Lunghel’a leng leng jieng ngai um kom’a

Lunghel’a leng leng jieng puldom kom’a chutieng lunggun

Kagel gel tieng i-nop lenlaini

Lungguh in ka-nuhgui abingji’n

Lunglai lamdang in eiki khelsah’e ka-hinkhuo

Suolam chungtuoni asuo laise’n

Lunghel o lunghel leng leng jieng ding

Lunghel a leng leng, leng leng lunghel

KAH'A LANG'E

Singer: Kakai Kipgen

Lyrics: Sang Haokip

Kah’a lang’e sietlei chung hi

Chang in lai kaleng Ho ho ho ho....

Jaantin nang ngaina’n suntin nang gelna’n hinkhuo kamang

Jaantin nang gelna’n suntin nang ngaina’n phadtin suntin

Jaantin chuomlou

Kamu ni’a pat tuni geiyin selung’a

Lang zing’e suntin jaantin selung mit in nalang zing’e namel

Lungsiet ngai um aw chung chollha

Keidi’a kaana hohohoho.....

Lungsiet hinkhuo hi gentheina’n eilep, nopna neilou

Gentheina’n eilep lungsietna hinkhuo hinven

Anai lungsiet lhinglou

Kamu ni’a pat tuni geiyin selung’a

Nalangzing’e suntin jaantin selung mit in nalang zing’e namel

Deikip lelna sietlei ahin keidi’a muonna hohoho.....

Jaantin nang ngaina’n suntin nang gelna’n hinkhuo kamang

Jaantin nang gelna’n suntin nang ngaina’n phadtin suntin

Jaantin chuomlou

Kamu ni’a pat tuni geiyin selung’a

Nalangzing’e suntin jaantin selung mit in nalang zing’e namel

Guol in kangaina gelthiem leh

Kumkhuo’n chullou zoujam pahbang muollou ding