Tulai nungahho
- Jimmy Lamboi
Tulai nungahho hi atamjo
Lungthim thiem le miching te jieng adei un
Amai uva powder alu’a thao namtuiho’a
Laituol lenna ding jieng agel’ui
Ei tobang mingol le mimoldi’n
Solam laituol lenna ding jieng zong umlou
Khatvei he’o ti’a eihin kouteidi
Chutieng keima’n nung heilou veisan katho ding
Nungah kilelahho atamjo
Film star nungahho umchan chu atho uvin
Kaose mine bang in achalsam’u atan’un
Asamkhao’u innko khat puonsil jad ahi
ABC bon helou’a lekha thiem bang in
Kengkoh tosang kise’n handbag kichoi in
Cinema hall lang’a chie’n film avele’n
Vetding atha anuom in paisa aneipoi
Tulai nungah guollhang atamjo’n
Hitobang nungah bou chu mi in agel un
Kengkoh tosang kise’a handbag kichoi sang in
Keivang khamtang kive’a longkai po kadeijoi
No comments:
Post a Comment